Уралоглу Өнүгүү жолу долбоору үчүн дата берди
Өнүгүү жолу долбоору Түркия менен Ирактын ортосундагы маанилүү долбоор болуп саналат.
Транспорт жана инфраструктура министри Уралоглу, Өнүгүү жолу долбоорунун 5 же 6 жылдын ичинде ишке ашышы мүмкүн экенин билдирди.
Министр Уралоглу Ирактын борбор шаары Багдадда Өнүгүү жолу долбоору боюнча Түркия, Ирак, Бириккен Араб Эмирликтери (БАЭ) жана Катардын катышуусунда экинчиси өткөрүлгөн Төрттүк министрлер кеңешинин жыйналышынан кийин маалымат берди.
Долбоордун темир жол жана автожол жагынан абдан маанилүү 1200 километрдик долбоор экенин белгилеген Уралоглу: «Түркия тарабында да болжол менен 2 миң 100 километрдик долбоор. Ошондой эле энергия жана байланыш линияларын кантип кошо ала турганыбызды сүйлөштүк»,- деди.
Бул долбоордун курулуш иштерин 2025-жылы баштоону пландап жаткандарын айткан Уралоглу Өнүгүү жолу долбоорунун 5 же 6 жылда ишке ашырылышы мүмкүн экенин билдирди.
Өнүгүү жолу долбоору Түркия менен Ирактын ортосунда Перс булуңунан Түркия чек арасына чейин созулган кургактык жана темир жол транспорт коридорун өнүктүрүүнү максат кылган маанилүү долбоор болуп саналат.
Тектеш кабарлар
Эрдоган Черногориянын президенти Милатовичти тосуп алды
Президент Эрдоган менен Милатович тосуп алуу аземинен кийин жекеме-жеке жолугушуу өткөрүштү.
Фидан НАТОнун тышкы иштер министрлеринин жыйынына катышат
Фидандын жыйындын алкагында кесиптештери менен эки тараптуу жолугушууларды да өткөрүшү пландалууда.
