Togg 40 миңге жакын адамга сатылды

Түркиянын ата мекендик жана улуттук унаасы Togg, 40 миңге жакын T10Xти ээлерине тапшырды.

Дизайн жана технологиясы менен көңүлдөрдү бурган Toggго суроо-талап чоң.

Өндүрүшү үзгүлтүксүз уланып жаткан Toggдун жолдордогу саны өсүүдө.

Түркиянын унаасы Toggдун X баракчасындагы постто: «Тынымсыз жаңыланган жана жаңы бойдон калган T10Xке кызыгууңуз үчүн ыраазычылык билдиребиз. Жылдын алгачкы 10 айында 20 миң даанадан аштык. Жолго чыккандан бери болсо 40 миңге жакын T10Xти колдонуучуларыбызга тааныштырганыбызга сыймыктанабыз»,-деген сөздөр камтылды.

Өндүрүшү 2023-жылдын март айында башталган Togg ошол эле жылдын май айында кардарлар менен жолугушту. Бул мезгилдин ичинде 40 миңге жакын T10X ээлерине тапшырылды.

Түс варианттарынын арасына жаңысы кошулду. Toggдун 7-түсү «Айдер жашылы» биринчи күндөн тарта чоң кызыгуу жаратты.

Бир жагынан да T10X модели өзүн жаңылоону улантууда.

Жаңыртылган программалык камсыздоо менен колдонуучулар ыңгайлуулукту жана коопсуздукту дагы да жогорулата турган 7 жаңы функцияга ээ болушат.

Жол белгилерин аныктоодон баштап көптөгөн функциялар Togg колдонуучуларына тартууланат.

Ал арада Togg, Түркиянын электр унаа рыногунда жылдын 9 айлык мезгилинде 17 миң 49 сатуу жана 29 пайыздык базар үлүшү менен бренд рейтингинде биринчи орунду ээледи.