Гүлер: «Катар менен аймактык коопсуздукка салым кошобуз»

Улуттук коргоо министри Яшар Гүлер Катар менен биргелешкен машыгуу жана окутуу менен аймактык коопсуздукка салым кошууну максат кылгандарын айтты.

Катарда болгон министр Гүлер Катардагы Түрк аба бөлүктөрү командирлигине барып Мехметчик (түрк аскери) менен жолугушту.

Гүлер бул жерде сүйлөгөн сөзүндө дос жана боордош Катар өлкөсүндө болуу жана расмий сапарынын алкагында Аба бөлүктөрү командирлигине баруудан канааттанганын билдирди.

Дүйнөдө орчундуу окуялар болуп жатканын жана коопсуздук чөйрөсү өсүп жаткан тобокелдиктер жана коркунучтардан улам тез жана тынымсыз өзгөргөн сезимтал процесстен өтүп жатканыбызды белгилеген Гүлер, бул контекстте дос өлкө Катарды да колдоп, кызматташтык жана достук байланыштарын мындан ары да өнүктүрүшкөнүн баса белгиледи.

Гүлер: «Терең тарыхы бар Түркия менен Катардын карым-катнаштары эң сонун деңгээлде жана күндөн-күнгө чыңдалууда. Эл аралык жана аймактык маселелерде орток көз карашыбыз биздин кызматташуубузду эң жогорку деңгээлге чыгарууга мүмкүндүк берет», - деп айтты.

Гүлер Түрк аба күчтөрүнүн Катарда болушу менен Катар аба күчтөрүнүн коргонуу жөндөмдүүлүгүн жана мүмкүнчүлүктөрүн колдоону, биргелешкен машыгуу жана окутуулар менен аймактык коопсуздукка салым кошууну, түрк жана Катар аба элементтеринин өз ара аракеттенүүсүн арттырууну максат кылгандарын белгиледи.