Министр Шимшектин АКШдагы жолугушуулары башталды

Казына жана каржы министри Мехмет Шимшек бүгүн Америка Кошмо Штаттарындагы (АКШ) жолугушууларын баштады.

Чоң жыйырмалык (G20) жана Дүйнөлүк банктын жыйындарына катыша турган министр Шимшек, АКШнын казына министри Жанет Йеллен жана Пакистандын каржы министри Мухаммед Аурангзеб баштаган көп сандаган киши менен эки тараптуу жолугушууларды өткөрөт.

Шимшек программасынын алкагында 50гө жакын расмий иш-чарага жана инвестор жолугушууларына, ошондой эле эки күндүк G20 жана Дүйнөлүк Банктын Өнүктүрүү комитетинин жыйынына катышат.

Шимшек ошондой эле көп тараптуу өнүктүрүү банктарынын президенттери жана жогорку башкаруучулары, Дүйнөлүк банктын төрагасы Ажай Банга, Азия өнүктүрүү банкынын президенттикке талапкери Масато Канда, Япониянын эл аралык кызматташтык агенттигинин төрагасы Нобумитсу Хаяши, Европа кеңешинин өнүгүү банкынын төрагасы Карло Монтиселли, Ислам өнүктүрүү банкынын төрагасы Мухаммад Аль Жасер жана Эл аралык каржы корпорациясынын жогорку жетекчилери менен жолугушууларды өткөрөт.

Министр Шимшек Эл аралык Валюта Корунун төрайымы Кристалина Георгиева жана биринчи вице-президент Гита Гопинат менен да жолугушат.

АКШдагы жолугушууларынын алкагында инвестор жолугушууларына катыша турган Шимшек BBVA, JP Morgan, BoFA, HSBC, Deutsche Bank, Standard Chartered жана Barclays сыяктуу алдыңкы инвестиция банктары менен кеңири катышуу менен инвестор семинарларында баяндама жасайт.

Министр Шимшек өлкөнүн алдыңкы аналитикалык борборлору менен да жолугушат.

Брукингс институтунун эң маанилүү изилдөө борборлорунун бири болгон Hutchins борборунда түрк экономикасы тууралуу кеңири баяндама жасай турган Шимшек Атлантика Кеңешинде жана Эл аралык финансы институтунда Түркияны жакындан байкаган академиктер жана экономисттер менен да жолугушуу өткөрөт.