Ливандагы түркмөн бирикмелери Түркия менен Эрдоганга ыраазычылык билдирди

Израилдин катуу чабуулуна кабылган Ливандагы түркмөн бирикмелери Ливан элине көрсөткөн колдоосу үчүн Түркияга жана президент Режеп Таййип Эрдоганга ыраазычылык билдирди.

Израилдин Ливанга кол салууларын талкуулоо үчүн чогулган Ливан түрк маданият коому, Ливан түрк боордоштук коому, Дурис кайрымдуулук түркмөн коому, Хавара өнүктүрүү түркмөн коому жана Триполи түркмөн коому жолугушуудан кийин биргелешкен билдирүү жарыялады.

Билдирүүдө Ливан дуушар болгон кыйраткыч согуш жана бул согуштун бардык катмарлар жана Ливан калкы үчүн тийгизген таасири алдында биримдик жана тилектештик жана кол салууларга каршы бирге болуу маанилүүлүгү баса белгиленди.

Билдирүүдө: «Биз Ливанга жана анын элине чын ыкластуу колдоосу менен биз менен бирге болгон дос өлкөлөрдүн жана элдердин тилектештигин жогору баалайбыз. Бул колдоо Ливанга ачык колдоо көрсөтүү менен да, ошондой эле ливандыктар ушул оор шарттарда турганда зарыл болгон каржылык жардамды жөнөтүү менен да көрсөтүлүп жатат»,-деп айтылды.

Түркиянын президенти Эрдоган жана бардык мекемелери менен бул өлкөлөрдүн башында турганы белгиленген билдирүүдө төмөнкү сөздөр орун алды: «Президент Режеп Таййип Эрдогандын жетекчилигиндеги достук мамиледеги Түркия мамлекети Ливанга жана анын калкына муктаж болгон эч кандай колдоону аяган жок. Бул колдоо өзгөчө 2006-жылдагы согуштан кийин эффективдүү жана мазмундуу түрдө башталып, Израиль талкалаган мектептерди кайра куруудан баштап ооруканаларды жана ден соолукту чыңдоо борборлорун курууга чейин, ар кандай долбоорлор менен Ливандын ар кайсы аймактарын жана бардык бөлүктөрүн камтыды».

Билдирүүдө: «Түркия Республикасына, президент Режеп Таййип Эрдоганга, бардык түрк мекемелерине жана дос түрк элине Ливанга жана анын элинин бардык катмарына чын ыкластан жана үзгүлтүксүз колдоо көрсөткөндүгү үчүн терең ыраазычылыгыбызды билдиребиз»,-деп айтылат.