ТИКА Ооганстанда башталгыч мектеп курду
Бул тууралуу ТИКАнын Мазари Шариф кеңсесинин билдирүүсүндө маалымат орун алды.
Түрк кызматташтык жана координация агенттиги (ТИКА) Ооганстандын Мазари-Шариф шаарында окуучулар үчүн заманбап стандарттагы башталгыч мектеп курду.
ТИКАнын Мазари Шариф кеңсесинин билдирүүсүндө, Халид Бин Велид районунда жайгашкан Махкубе Хиреви башталгыч мектебинде ушул убакка чейин 1500 окуучу ижарага алынган эски имаратта билим алгандыктан, окуучулардын заманбап стандарттарда билимин улантуусу үчүн жакынкы аймакка 8 класстык жаңы башталгыч мектеп курулганы айтылды.
Анын алкагында мектепти көрктөндүрүү иштери жүргүзүлүп, балдар үчүн аянтча, беседкалар жана отургучтар орнотулганы белгиленди.
Мындан тышкары, мектепке керектүү көптөгөн жабдыктар жана жабдуулар берилгени айтылды.
Мектептин ачылыш аземине Түркиянын Мазари Шарифтеги башкы консулу Касым Кабан, Балх губернаторунун орун басары Элхак Мевлеви Нур-ул Хади Абу Идрис, ТИКАнын Мазари- Шариф кеңсесинин координатору Микаил Ташдемир, Балх улуттук билим берүү директору муфтий Мухаммед Шериф Абу Асым Османи жана көптөгөн мугалимдер, ата-энелер жана окуучулар катышты.
Түркиянын Мазари Шарифтеги башкы консулу Кабан өз сөзүндө эки өлкөнүн ортосундагы орток тарыхый жана маданий баалуулуктардын маанилүүлүгүн баса белгиледи.
Кабан Түркиянын Ооганстанга жардамында эч кандай эсеп жана күтүү менен камсыз кылынбаганын белгилеп: «Түркия менен Ооганстандын орток чек аралары болбосо да, эки дос кошуна мамлекетке караганда өнүккөн мамилелери бар»,-деди.
ТИКАнын Мазари Шариф кеңсесинин координатору Ташдемир кеңсенин 2005-жылдан бери Ооганстандын түндүгүндө 200гө жакын проекти ишке ашырганын, анын 60тан ашыгы билим берүү тармагында болгонун, жаңы ачылган мектеп менен кошо алар нөлдөн баштап жалпысынан 51 имарат куруп, ооган окуучуларына белекке беришкенин айтты.
Ооган жооптуулары бул жардам үчүн ТИКА жана Түркияга ыраазычылык билдиришти.
Балх губернаторунун орун басары Абу Идрис : «Түрк мамлекети жана эли ар дайым ооган элинин жанында болду, бир гана билим берүү тармагында эмес, ар тармакта колдоо көрсөтүштү»,-деди.
Салтанаттан кийин мектеп жаңы имаратында окуу-тарбия иштерин баштады.
