Эмине Эрдоган башы жабышкан эгиздерди ажыраткан дарыгерлерди куттуктады
Эмине Эрдоган басма сөздөгү "Пакистандык жабышкан эгиздер Түркияда 14 сааттык операция менен ажыратылды" деген жаңылыкка шилтеме кылып билдирүү бөлүштү.
Президент Режеп Таййип Эрдогандын жубайы Эмине Эрдоган, Пакистандан Түркияга алып келинген башы жабышкан эгиздерди 8 айлык кезинде борбор шаар Анкарадагы Билкент шаар ооруканасында 60 адамдан турган топтун катышуусунда 14 сааттык операция менен ажыраткан дарыгерлерди куттуктады.
Эмине Эрдоган басма сөздөгү "Пакистандык жабышкан эгиздер Түркияда 14 сааттык операция менен ажыратылды" деген жаңылыкка шилтеме кылып бөлүшкөн билдирүүсүндө: «Жашоонун эң баалуу белеги болгон ден соолукту эки балабызга кайра тартуулаган баатыр дарыгерлерибизди чын жүрөктөн куттуктайм. Өлкөбүздө жасалган тарыхый операция дүйнөдөгү саналуу учурлардын катарына кирет. Кичинекей балдарыбызга "жакшы" каалоолорумду жөнөтүп, өмүр бою ден соолукта жана бактылуу жашоо өткөрүүлөрүн тилейм»,-деди.
Билкент шаар ооруканасында дарыланууга алынган жабышкан ымыркайлар эки этаптуу операция менен бири-биринен ажыратылган.
Эгиздерге жашоо берген операциянын акыркысы 19-июлда жасалып, 14 саатка созулган жана 60 медициналык кызматкер катышкан бул операцияда эгиздердин жабышкан баш бөлүктөрү ажыратылган.
Тектеш кабарлар
Улуттук чалгындоо уюму операция жүргүздү
Амуде аймагында аныкталган террорист Белге чекит операциясы менен таасирсиз кылынды.
