Түркия АКШ менен Түштүк Кипр Рум башкаруучулугунун ортосунда жол картасына кол коюуну айыптады

Түркия Америка Кошмо Штаттары (АКШ) менен Түштүк Кипр Рум башкаруучулугунун (GCASC) ортосунда коргонуу тармагында кызматташтыкты өнүктүрүү үчүн жол картасына кол коюуну айыптады.

Тышкы иштер министрлигинин темага байланыштуу жазуу түрүндөгү жарыясында «АКШ менен Түштүк Кипр Рум башкаруучулугунун ортосунда коргонуу тармагында кызматташтыкты өнүктүрүү үчүн жол картасына кол коюлушун айыптайбыз»,-деп айтылды.

Түндүк Кипр Түрк Республикасынын (ТКТР) Тышкы иштер министрлиги тарабынан жарыяланган билдирүүдө айтылган көз караштарды бөлүшкөн билдирүүдө Түндүк Кипр Түрк Республикасынын бийлиги тарабынан айтылган «акылуу каршы чыгуунун толук колдоого алынганы» баса белгиленди.

Билдирүүдө төмөндөгүлөр белгиленип: «Америкалык бийликтердин өткөн июнь айында Түштүк Кипрдин Рум башкаруучулугу менен стратегиялык диалогду баштоого кирише тургандыктары тууралуу жарыясын кошкондо, Кипр Түрк тарабынын коопсуздугуна каршы ташталган бул кадамдар АКШнын Кипр аралына карата бейтарап мамилесине доо кетирип, Кипр маселесинде адилеттүү, туруктуу жана биротоло чечүүнү жол табууну кыйындатат. Бул контекстте аймактык ырааттуулукка зыян келтире турган саясаттарды карап чыгуу керек деп ойлойбуз. Негизги мекен жана кепил өлкө болгон Түркия ар кандай шартта кипрдик түрктөрдүн коопсуздугун жана жыргалчылыгын камсыздоону улантат»,-деп айтылды.

АКШ менен Түштүк Кипрдин Рум башкаруучулугунун (GCASC) ортосунда эл аралык коопсуздукка каршы «Эки тараптуу коргонуу кызматташтыгы жол картасы» келишимине кол коюлганы жарыяланды.

АКШнын Коргоо министрлигинен (Пентагон) жасалган билдирүүгө караганда, Европа менен Чыгыш Жер Ортолук деңизинин ырааттуулугу жана коопсуздугунун АКШ жана Түштүк Кипрдин Рум башкаруучулугу үчүн «өтө маанилүү» экени баса белгиленген.