Google колдонуучулары: "Стамбул аэропорту Европадагы эң мыкты аэропорт"
Стамбул аэропортунан кийин Порто, Афина, Чехия жана Цюрих аэропорттору орун алды.
Google колдонуучулары Стамбул аэропортун Европанын эң мыктысы деп тандашты.
Стамбул аэропортунун оператору ИГАнын башкы директору (CEO) Селахаттин Билген, Google колдонуучуларынын комментарийлери боюнча жүргүзүлгөн изилдөөгө ылайык Стамбул аэропортунун Европанын эң мыкты аэропорту болуп тандалганын жарыялады.
Билген социалдык медиа баракчасынан билдирүү жасап, «Google комментарийлеринде да көрүнүп тургандай, бизди тандаган жана биздин ийгилигибизге салым кошкон ар бир адамга терең ыраазычылык билдиребиз. Стамбул аэропортун Европанын эң мыктысы кылганыңыз үчүн ырахмат айтабыз. Бул ийгиликти улантууга чечкиндүүбүз», - деди.
Европа аэропортторунун арасында Google колдонуучуларынын комментарийлери боюнча жүргүзүлгөн изилдөөнүн жыйынтыгына караганда, Стамбул аэропорту 100 миңден ашуун Google пикирине ылайык 4,4 балл менен биринчи орунга чыкты.
Баалоо тизмесинде Стамбул аэропортунан кийин Порто, Афина, Чехия жана Цюрих аэропорттору орун алды.
