Тунч: «Түркия Газада геноцид кылган израилдик жетекчилер тийиштүү жазасын алганга чейин күрөшөт»

Адилет министри Йылмаз Тунч Түркия Газада геноцид кылган израилдик жетекчилер тийиштүү жазасын алганга чейин күрөшө турганын айтты.

Министр Тунч Казакстанда өткөн Түрк Мамлекеттер Уюмунун (ТМУ) Адилет министрлер кеңешинин биринчи жыйынында сөз сүйлөдү.

Түркиянын Газадагы кыргынды токтотуу аракетин түшүндүргөн Тунч : «Түркия катары президентибиз Режеп Таййип Эрдогандын жетекчилигинде Палестинада кан төгүүнү токтотуу үчүн кызуу дипломатиялык алакаларды жүргүзүп жатабыз»,-деп айтты.

Геноцид доосуна кошулуу үчүн 7-августта расмий арыз бергендерин эске салган министр Тунч : «Түркия катары Израиль бийликтери тийиштүү жазасын алганга чейин күрөшүбүздү улантабыз»,-деди.

Түрк Мамлекеттер Уюмуна кирген өлкөлөрдүн сот жана сот тармагындагы кызматташуусунун маанисине көңүл бурган Йылмаз Тунч: «Түрк дүйнөсү катары бул тармактардан тышкары соттук негизде мамлекеттердин ортосундагы өз ара аракеттешүүнүн эл аралык аренадагы эң маанилүү чагылышы болгон эл аралык соттук кызматташтыкты өнүктүрүүгө тийишпиз»,-деп чакырды.

Түркиянын террор менен күрөшүүдө Түрк Мамлекеттер Уюмуна мүчө өлкөлөрдөн дагы көп колдоо күткөнүн белгилеген Йылмаз Тунч: «Бүткүл дүйнөдөн күткөндөй; көптөгөн тарыхый, маданий жалпы жана туугандык байланыштарыбыз бар Түрк дүйнөсүндөгү өлкөлөрдөн өзгөчө күтөөрүбүздү баса белгилегим келет»,-деп айтты.