Гүлер: «Түркия менен Сирия нормалдаштыруу аракеттеринин алкагында чогула алат»

Улуттук коргоо министри Яшар Гүлер ылайыктуу шарттар түзүлсө Түркия менен Сириянын расмий өкүлдөрүнүн нормалдашуу аракетинин алкагында чогула аларын айтты.

Яшар Гүлер Британиянын Рейтер агенттигине маек берди.

Сирия менен нормалдашуу процессине токтолгон министр Гүлер:
«Эгер ылайыктуу шарттар түзүлсө, Түркия менен Сирия нормалдаштыруу аракеттеринин алкагында чогула алат»,-деди.

Гүлер Түркиянын Сириянын түндүгүндөгү аскерий болушуна байланыштуу: «Камтыкты камтыган Конституциянын кабыл алынышы, эркин шайлоолордун өткөрүлүшү, ар тараптуу нормалдашуусу жана коопсуздук чөйрөсү камсыздалышы үчүн колубуздан келген жардамды берүүгө даярбыз. Булар аткарылып, чек араларыбыздын коопсуздугу толук камсыз кылынгандан кийин гана биз өз ара макулдашып, зарыл болгон нерселерди жасайбыз», - деди.

Террор менен күрөшүүдө Ирак менен ташталган биргелешкен кадамдардын да бурулуш учурун көрсөткөнүн белгилеген улуттук коргоо министри Гүлер «Өнүгүү жолу» долбоорунун Ирак тарабы жикчил террор уюму ПККнын коркунучу астында экенин баса белгиледи.

Ирактын ПККны «тыюу салынган уюм» деп жарыялоо чечимин кубаттагандарын белгилеген Гүлер, эң кыска убакытта ПККны «террордук уюм» деп жарыялоосун күткөндөрүн айтты.