Улуттук чалгындоо уюму Иракта террордук уюм ПККга сокку урду

Улуттук чалгындоо уюму (MİT) Иракта жикчил террордук уюм ПККга дагы бир сокку урду.

Террордук кылмыштары үчүн издөө/камакка алуу буйругу чыгарылган Эзиз Габар каймана аттуу террорист Сердар Сөнмездин ПККнын жогорку даражалуу жетекчилеринен Түрк куралдуу күчтөрүнө (ТКК) каршы кол салуу көрсөтмөлөрүн алганы белгилүү болду.

MİTтин талаа агенттеринен алынган чалгындоо маалыматтарына караганда, Сердар Сөнмез Түрк куралдуу күчтөрүнүн Хакурктагы операция аймагына кирип, чалгындоо жана байкоо иштерин жүргүзмөк. ПКК террористи снайпердик мылтык менен кол салуу жасамак.

Алынган чалгын маалыматтарынын натыйжасында MİT Сердар Сөнмезге кадам сайын байкоо сала баштады. MİTтин уюм ичиндеги агенттери аркылуу террорист Сөнмездин кайсы жерде кол салуу кыла турганы жана убактысы аныкталгандан кийин операция чечими чыгарылды. 

ПКК мүчөсү Сердар Сөнмез, Хакурктагы Түрк куралдуу күчтөрүнүн база аймагына кол салууга даярданып жатканда ийгиликтүү операцияда таасирсиз кылынды.