Министр Өмер Болат Пакистанда
Жолугушууда эки өлкөнүн ортосундагы экономикалык карым-катнаштар жана инвестициялык мүмкүнчүлүктөр каралды.
Соода министри Өмер Болат расмий сапар менен барган Пакистандын борбор шаары Исламабадда каржы министри Мухаммад Аурангзеб менен жолугушту.
Жолугушууда эки өлкөнүн ортосундагы экономикалык карым-катнаштар жана инвестиция мүмкүнчүлүктөрү каралды.
Соода министри Өмер Болат жолугушуунун чоо-жайын социалдык медиа баракчасынан жарыялады.
Болат жолугушууда эки өлкөнүн ортосундагы экономикалык карым-катнаштарды, инвестор жана экспорттоочу компаниялардын артыкчылыктуу темаларын, ошондой эле кызматташтык мүмкүнчүлүктөрүн талкуулагандарын билдирди.
Өткөн жылы Түркия менен Пакистандын ортосундагы соода көлөмүнүн 1 миллиард доллардан, инвестициянын 2 миллиард доллардан ашканын эске салган Өмер Болат: «Пакистан менен соода көлөмүбүздү 5 миллиард долларга чыгарууну максат кылуудабыз»,-деди.
Соода министри Болат эки өлкөнүн ортосундагы кызматташтык тармактарын кеңейтүү аракеттеринин улана турганын да баса белгиледи.
