Хакан Фидан Дэвид Ламми менен сүйлөштү

Тышкы иштер министри Хакан Фидан Британиянын тышкы иштер министри Дэвид Ламми менен телефон аркылуу сүйлөштү.

Тышкы иштер министрлигинин басма сөз катчысы Өнжү Кечели X социалдык медиа баракчасындагы билдирүүсүндө, Фидандын Ламми менен телефон аркылуу сүйлөшүү өткөргөнүн маалымдады.

Кечели сүйлөшүүдө Газадагы акыркы абалдар жана аймакта күчөгөн чыңалуунун талкууланганын белгилеп: «Министрибиз, Израилдин ок атышпоого каршы чыккан тарап экенин эске салып, кагылышуулардын аймактык деңгээлге жайылып кетүү коркунучуна көңүл бурду. Израилдин агрессиясын токтотуу керектигин айтты»,-деди.