Ирактын түндүгүндө 8 террорист жок кылынды

Ирактын түндүгүндө жикчил террордук уюм ПККга таандык 8 террорист жок кылынды.

Террорго каршы күрөш өлкө ичинде да, чек ара тышында да үзгүлтүксүз уланууда.

Улуттук коргоо министрлиги Ирактын түндүгүндө аныкталган  8 террористтин жок кылынгандыгын жарыялады. 

Министрликтин социалдык медиа эсебинен берилген маалыматта : "Күчтүүбүз, чечкиндүүбүз. Баатыр түрк куралдуу күчтөрүбүз Ирактын түндүгүндөгү Хакрук жана гара аймактарында аныктаган  ПККнын  8 террористтин жок кылды. Чечкиндүүлүк менен улантып жаткан операцияларыбыз  акыркы бир террорист калбай калганга чейин уланат",- деп айтылды.