Президент Эрдоган Астанада Путин менен жолугушту

Президент Режеп Таййип Эрдоган  Шанхай Кызматташтык Уюмуна мүчө мамлекеттердин башчыларынын 24 - саммитине катышуу үчүн  Казакстандын борбор шаары Астанага барды. Эрдоган Астанада  Россиянын президенти Владимир Путин менен жолугушту.

Президент Эрдоган Путин менен жолугушуусунун басма сөзгө ачык бөлүгүндө сүйлөгөн сөзүндө : «Урматтуу досум менен көптөн бери жолугуша албадык. Телефон аркылуу сүйлөшүүлөрүбүз болду. Бирок министрлерибиз байланышты тынымсыз улантышууда»,- деди.

Атомдук станцияларга байланыштуу олуттуу кадамдарды таштай тургандарын баса белгилеген Эрдоган : «Синоп атомдук энергетика станциясы тууралуу сүйлөшүүлөрүбүз бар. Бул темада олуттуу кадамдарды таштай аларыбызга ишенебиз. Бул тууралуу энергетика жана жаратылыш ресурстары министрибиз сүйлөшүүлөрүн улантууда»,- деди.

БОТАШ жана ГАЗПРОМдун ортосундагы карым  - катнаштардын жакшы маанайда улантылгандыгын айткан Эрдоган : «(Түркия  -  Россия соода көлөмү) 55  миллион долларлык бул көлөм биз үчүн маанилүү эмес. Биздин максатыбыз  100 миллиард долларга жеткирүү. Бул  100 миллиард долларга жете аларыбызга ишенем. Мындай потенциалга ээбиз»- деди.

7 миллионго жакын орус туристтин Түркияга келишинин  маанилүү экендигин баса белгилеген Эрдоган : «Россиялык туристтерди  Түркияда тосуп алуу абдан маанилүү. Бул тууралуу чын ыкласыбыз чечкиндүүлүк менен улантылууда. Негизгиси орус туристтер Түркияга ыраазы болушсун»,- деди.

Президент Эрдоган : «Россия  - Түркия ортосундагы бул жылуу мамиледен тышкары  сизди да кыска убакытта өлкөмдө тосуп алууну каалаймын»,- деп Путинди Түркияга чакырды. Путин да сөзсүз түрдө Түркияга келерин айтты.