Эрдоган - Зейне жолугушуусу

Президент Режеп Таййип Эрдоган Нигердин премьер-министри жана экономика, каржы министри Али Махамане Ламин Зейнени кабыл алды.

Эрдогандын чакыруусу менен Түркияга келген Ламин Зейне президенттик комплексте азем менен тосулду.

Эки өлкөнүн делегациялары таныштырылгандан кийин  президент Эрдоган  Ламине Зейнени кабыл алды. 

Тышкы иштер министри Хакан Фидан жана улуттук коргоо министри Яшар Гүлер да катышкан жана басма сөзгө жабык өткөн кабыл алуудан кийин президент Эрдоган менен премьер-министр Зейне иш алып баруу тамагында жолугушту.