THY Icelandair менен кодшеринг келишимине кол койду

Түрк аба жолдору (THY) Исландиянын улуттук авиакомпаниясы Icelandair менен код бөлүшүү келишимине кол койду.

THY басма сөз кызматынын билдирүүсүнө караганда, кодшеринг келишимине Стамбулда өткөрүлгөн Эл аралык аба транспорту ассоциациясынын жылдык жалпы жыйынында кол коюлду.

Келишим менен Түндүк Америка жана Исландиядагы Icelandair жүргүнчүлөрү THY каттамдары менен Стамбулга, дүйнөнүн көп жеринен келген THY жүргүнчүлөрү да Icelandair тармагы аркылуу Исландия жана Канадага жете алышат. Эки авиакомпания тең жүргүнчүлөрүнө бир билет менен ыңгайлуу трансфер мүмкүнчүлүктөрүн сунуштайт.