Чавушоглу сириялык иммигранттарды жөнөтүү тууралуу маалымат берди

Тышкы иштер министри Мевлүт Чавушоглу сириялык качкындардын өлкөлөрүнө кайтарылышы үчүн аймактагы террордун тазаланышы керектигин, Асад менен кызматташпастан качкындарды жиберүүнүн туура эместигин айтты.

Чавушоглу жеке телеканалда күн тартипке байланыштуу суроолорго жооп берип, баа берди.

Сириядагы жарандык согуш жана Ооганстандагы кырдаалдан улам Түркияга иммигранттар келгенин белгилеген Чавушоглу, көптөгөн оогандыктарды өлкөсүнө жөнөтүшкөнүн белгиледи.

550 миң сириялык иммигранттын өлкөсүнө кайтарылганын белгилеген Чавушоглу, бул сандын жетишсиз экенин, дагы көп иммигранттын өлкөсүнө жөнөтүлөрүн баса белгиледи.

Чавушоглу: «Биз аларды коопсуз аймактарга эле эмес, режим көзөмөлдөгөн жерлерге да жөнөтүшүбүз керек. Башкача айтканда, аларды келген шаарларына жөнөтүшүбүз керек. Биз режим менен макулдаша баштадык,  бирок бул үчүн инфраструктураны түзүү чечимин кабыл алдык»,-деди.

«Алар кайтып келишет, биз чечкиндүүбүз, бирок биз муну адамдык кадыр-баркыбызга ылайыктуу кылып жасашыбыз керек», - деп айткан министр Чавушоглу кайтып келүү үчүн инфраструктуранын даярдалышы жана жашоо коопсуздугу камсыз кылынышы, Бириккен Улуттар Уюмунун (БУУ) катышуусу жана эл аралык коомчулуктун колдоосу керек экендигин баса белгилеп, ушундай жол картасы боюнча макулдашылганын баса белгиледи.

Буга кошумча дагы бир чындык бар экенин белгилеген Чавушоглу: «Бардык (сириялык иммигранттарды) 100 пайыз жөнөтөбүз десек, бул туура болбойт, Түркияда азыр айыл чарба тармагында , өнөр жай жана кээ бир жумуш орундарында муктаждык бар экенин көрүп жатабыз»,-деп айтты.