«Дан демилгеси» боюнча иштерди Түркиянын кожоюндугунда улантуу боюнча тараптар макулдашты
Улуттук коргоо министрлигинен берилген жазуу түрүндөгү маалыматта 10-11-майда Түркиянын кожоюндугунда Стамбулда Украина, Орусия Федерациясы жана Бириккен Улуттар Уюму менен эки тараптуу жана көп тараптуу жолугушуулар өткөрүлгөнү белгиленди.
«Дан демилгеси» боюнча иштерди Түркиянын кожоюндугунда жана төрттүк форматта техникалык деңгээлде улантуу боюнча тараптар макулдашышканы айтылды.
Улуттук коргоо министрлигинен берилген жазуу түрүндөгү маалыматта 10-11-майда Түркиянын кожоюндугунда Стамбулда Украина, Орусия Федерациясы жана Бириккен Улуттар Уюму менен эки тараптуу жана көп тараптуу жолугушуулар өткөрүлгөнү белгиленди.
Тараптардын конструктивдүү мамилеси менен эки күн бою пайдалуу жолугушуулар өткөнүн баса белгилеп, төмөнкүлөр белгиленди: «Тараптар жаңжал шарттарынан улам Украинанын портторунда тыгылып калган биздин соода кемелерибиздин жана алардын экипаждарынын эвакуациялоо иш-чараларын пландаштыруу жана ишке ашырууну координациялоо боюнча оң мамилесин билдиришти. Мындан тышкары, бул операциянын Украина портторуна тыгылып калган башка өлкөлөрдөн келген кемелердин эвакуацияланышына үлгү болоору жана алдыдагы мезгилде бул багытта жасала турган иштерди колдоо боюнча макулдашылды.
Кол коюлган күндөн бери дүйнө жүзү боюнча азык-түлүк бааларынын туруктуулугуна олуттуу салым кошкон жана дүйнөлүк азык-түлүк менен камсыздоо жана коопсуздук жагынан өтө маанилүү болгон Кара деңиз дан демилгеси боюнча оң жана конструктивдүү жылыштар болду. Дан демилгесинин алдыдагы мезгилде натыйжалуу иштешин камсыз кылуу үчүн иштердин Түркиянын кожоюндугунда өткөрүлүшү жана төрттүк форматта техникалык деңгээлде улануусу тараптар тарабынан макулдашылды».
