Акардан дан коридору билдирүүсү

Улуттук коргоо министри Хулуси Акар 22-июлда кол коюлган Кара деңиз дан келишими аркылуу Украинадан муктаждарга 30 миллион тонна эгин жеткирилгенин айтты.

Акар Кайсериде өткөрүлгөн иш-чарада сүйлөгөн сөзүндө, Түркиянын Орусия-Украина согушунан келип чыккан глобалдык азык-түлүк кризисин чечүү аракетине басым жасады.

Хулуси Акар Түркиянын Украина менен да, Орусия менен да сүйлөшө алган жалгыз өлкө экенин белгилеп, мунун аймактык жана дүйнөлүк тынчтыкка канчалык чоң салым кошконун ар кимдин көрүшү керек экенин билдирди. 

Акар: «22-июлда кол койгон Кара деңиз дан келишими менен 30 миллион тонна эгин муктаж болгондорго ташылды. Түркия, Орусия, Украинанын коргоо министрлеринин орун басарлары жана Бириккен Улуттар Уюмунун өкүлдөрүнүн жыйыны бүгүн Стамбулда башталды. Бул иш-аракеттин токтобошу жана туруктуулуктун улануусу үчүн сүйлөшүүлөрдү жүргүзүп жатабыз»,-деди.