Түркия Конго Демократиялык Республикасына көңүл айтты

Түркия Конго Демократиялык Республикасындагы  сел апаатында каза болгондор үчүн көңүл айтты.

Тышкы иштер министрлиги жарыялаган билдирүүдө  : «Конго Демократиялык Республикасынын чыгышындагы Түштүк Киву провинциясында нөшөрлөгөн жамгырдын натыйжасында пайда болгон сел апааты жүздөгөн адамдын өмүрүн алды жана 8-май өлкөдө Улуттук аза күтүү катары жарыяланды»,- деп айтылды.  Билдирүүдө селден улам каза болгондордун жакындарына, Конго Демократиялык Республикасынын элине жана өкмөтүнө көңүл айтылды.

394 адамдын өмүрүн алган селден кийин Конго Демократиялык Республикасынын  Түштүк Киву штатында бир күндүк улуттук аза күтүү жарыяланды.