IMECEнин учурулушу дагы бир жолу кечеңдетилди

Түркиянын биринчи жергиликтүү жана улуттук байкоочу спутниги IMECEнин учуруу операциясы учурууга 27 секунд калганда аба ырайына байланыштуу дагы кечеңдетилди.

IMECE долбоорунун менеджери Эмир Сердар Арас жана командасы АКШдагы Ванденберг космостук күчтөрү базасында спутниктин учурулушун координациялап, программа бир учурда  Түркиядагы TUBITAK космостук технологияларды изилдөө институтунун жердеги байкоо станциясында ишке ашырылды.

IMECE спутнигин орбитага алып чыга турган Falcon 9 ракетасынын иштешинен жооптуу SpaceX фирмасы, учуруу операциясына 27 секунд калганда операциянын аба шарттарынан улам кечеңдетилгендигин билдирди.

SpaceXтин Твиттер эсебинен бөлүшүлгөн билдирүүдө учуруу операциясынын начар аба ырайынан улам Түркия убактысы боюнча саат 09:47де бутага алынганы белгиленди.

Шейшемби күнү ишке ашышы пландалган учуруунун бир күнгө кечеңдетилгендиги билдирилген болчу. SpaceXтын  билдирүүсүндө да аба шарттарынын байкоого алынары билдирилген.

Кийинчерээк учуруу операциясынын экинчи кечеңдетилгендиги жана SpaceX кошумча убакыттын командалардын учуу алдындагы текшерүүлөрүн бүтүрүүгө жана аба шарттарын жакшыртууга мүмкүндүк берерин билдирген.