Министр Киришжи БУУнун Суу конференциясынын алкагында өткөрүлгөн иш-чарада сөз сүйлөдү

Айыл чарба жана токой чарба министри Вахит Киришжи, Түркиянын 2030-жылга чейин ар бир адамдын коопсуз жана таза ичүүчү сууга жетүүсү үчүн техникалык-потенциалдык колдоо көрсөтүүгө, тажрыйбалары менен эң мыкты ишке ашырууларын бөлүшүүгө жана эл аралык кызматташтыкты өнүктүрүүнү улантууга убада бергенин айтты.

Министр Киришжи Бириккен Улуттар Уюмунун (БУУ) Экономикалык жана Социалдык Кеңешинде (ECOSOC) БУУнун Суу конференциясынын алкагында өткөрүлгөн иш-чарада сөз сүйлөдү.

Климаттын өзгөрүшү менен суунун маанисинин күндөн-күнгө артканын белгилеген Киришжи, 2030-жылга чейин глобалдык максаттарга жетүү үчүн кошумча каржы булактарын мобилизациялоонун жана техникалык кызматташтыкты өнүктүрүүнүн маанисине көңүл бурду.

Киришжи учурдагы көрсөткүчтөргө караганда 2030-жылга чейин сууга байланыштуу пландарды камтыган 6-туруктуу өнүгүү максатына жетүү үчүн глобалдык деңгээлдеги аракеттердин төрт эсеге көбөйтүлүшү керектигин айтты.

Улуттук кирешесине салыштырмалуу эң көп гуманитардык жардам берген өлкөлөрдүн бири болгон Түркиянын Африка баш болгон дүйнөнүн ар кайсы жерлеринде ар түрдүү иш-аракеттерди баштаганына токтолгон министр Киришжи, 2005-жылдан бери Африка континентинде бургуланган 512 скважина менен 1,85 миллион адамды ичүүчү суу жана коммуналдык суу менен камсыз кылгандарын билдирди.

Киришжи: «Түркия 2030-жылга чейин ар бир адамдын коопсуз жана таза ичүүчү сууга жетүүсү үчүн техникалык жана потенциалдык колдоо көрсөтүүнү, тажрыйбалары менен эң жакшы ишке ашырууларын бөлүшүүнү, мындан тышкары инфраструктурага чоң инвестиция салууну жана эл аралык кызматташтыкты өнүктүрүүнү улантарына убада берет»,-деди.