Акар грек кесиптеши менен сүйлөштү

Улуттук коргоо министри Хулуси Акар Грециянын коргоо министри Николас Панагиотопулос менен телефон аркылуу сүйлөштү.

Улуттук коргоо министрлигинин (УКМ) билдирүүсүнө караганда, министр Панагиотопулос 6-февралда болгон жер титирөөлөр үчүн көңүл айтуусун кайталады.

Министр Акар да Грецияда көп сандаган адамдын өмүрүн алган поезд кырсыгына байланыштуу дагы бир жолу көңүл айтып, чоң кыйроолорго алып келген 6-февралдагы жер титирөөлөрдөн улам Грециянын коргоо министри Панагиотопулостун көңүл айтуу билдирүүсү жана Грециянын көрсөткөн тилектештиги үчүн ыраазычылык билдирди.

Конструктивдүү жана позитивдүү өткөн телефондук сүйлөшүүдө Акар менен Панагиотопулос эки коңшу өлкөнүн ортосундагы жакшы коңшулук карым-катнаштарга негизделген күн тартибин иштеп чыгуу боюнча макулдашышты.