Чавушоглу: «Биздин шартка байланыштырылып F-16 сатып алышыбыз мүмкүн эмес, колубуз байланбашы керек»

Тышкы иштер министри Мевлүт Чавушоглу: «Биздин шартка байланыштырылып F-16 сатып алышыбыз мүмкүн эмес, колубуз байланбашы керек»,-деди.

Министр Чавушоглу Америка Кошмо Штаттарынын (АКШ) мамлекеттик катчысы Энтони Блинкен менен борбор шаар Анкарадагы Президенттик комплексте биргелешкен маалымат жыйын өткөрдү.

Түркиянын F-16ларга байланыштуу күтүүсүн ачык айтканын билдирген Чавушоглу: «F-16 учагын сатып алуу үчүн эки өлкөнүн (Швеция-Финляндия) НАТОго мүчө болушун шарттоо туура эмес жана адилеттүүлүк да болбойт. Алар эки башка маселе, экөөнүн тең шарттары бар, сүйлөшүүлөр жүрүп жатат. Өз ара түшүнүшүү меморандуму бар. Ошондуктан экөөнү бири-бирине шарттоо туура мамиле болбойт. Же болбосо биздин шартка байланыштырылып F-16ны сатып алуубуз мүмкүн эмес. Биздин колубуз байланбашы керек. Түркия менен АКШ башкаруусунун бул темада орток позицияда болушу абдан маанилүү»,-деп айтты.

Чавушоглу: «F-16 жабдыктарына болгон суроо-талабыбызды канааттандыруу эки тараптуу карым-катнаштарыбыз жагынан маанилүү, бирок аны менен бирге НАТОнун коргонуу жөндөмдүүлүгү үчүн да маанилүү»,-деди.

Министр Чавушоглу АКШнын Сириядагы милдеттенмелерин эске салып, ДЕАШка каршы ПКК/ЙПГ сыяктуу террордук уюм менен кызматташуунун туура эмес экенин баса белгиледи.

Министр Чавушоглу Орусияга байланыштуу:«АКШ жана Евробиримдиктин санкцияларынын Түркия аркылуу бузулушуна жана аларды айланып өтүшүнө жол бербейбиз деп жатабыз жана жол бербейбиз»,-деди.

Блинкен маалымат жыйынында сүйлөгөн сөзүндө:

«Президент Жо Байден айткандай, Түркия менен НАТОнун биргелешкен операциялык жөндөмдүүлүгү биз үчүн ар дайым маанилүү»,-деди.

АКШнын мамлекеттик катчысы Блинкен Байден башкаруучулугунун Түркияга F-16 учактарын жеткирүүдөгү колдоосунун уланып жатканын билдирди.

Блинкен:«Биз Түркиянын түштүк чек арасына байланыштуу чыныгы коопсуздук тынчсызданууларын түшүнөбүз»,-деп айтты.