Мевлүт Чавушоглу Швеция жана Израилге каршылык көрсөттү

Тышкы иштер министри Мевлүт Чавушоглу Швеция өкмөтүнүн Куран Каримдин өрттөлүшү сыяктуу жийиркеничтүү кыймылдарга уруксат берип, бул кылмышка шериктеш болгондугун белгиледи.

Мевлүт Чавушоглу Сербиянын премьер- министринин орун басары жана Тышкы иштер министри Ивица Дачич менен борбор шаар Анкарада биргелешкен пресс- жыйын өткөрдү.

Даниялык ашыкча оңчул Каттуу багыт партиясынын лидери Расмус Палудандын 21 -январь ишемби күнү Түркиянын Стокгольм элчилигинин алдында КуранКаримди өрттөгөнүнө токтолгон Чавушоглу : «Швециядагы жийиркеничтүү аракет жек көрүү кылмышы, расистиккыймыл. Швеция башкаруусу бул аракетке уруксат берип, ага шериктеш болду, эч ким бизге бир нерсе айтууга аракет кылбасын»,- деди.

НАТОго мүчө болуу үчүн оболу Түркиянын террор менен күрөшүү тууралуу шарттарын орундатарына байланыштуу убада берип жана террорго колдоо берүүнү уланткан Швециянын чечим чыгарышы керектигин баса белгилеген Чавушоглу : «НАТОго мүчө болууну каалайсыңарбы, каалабайсыңарбы?»,- деп бул өлкөгө каршылык көрсөттү.

Бир тараптан Батыш Шериадагы Женин качкындар лагерине карата 9 палестиналык каза болгон, 16 киши жараланган Израиль күчтөрүнүн кол салуусуна да каршылык көрсөткөн Чавушоглу : «Израиль өкмөтүнөн мындай кол салуу жана провокациялардан алыс болушун суранабыз»,- деди.