Чавушоглу: «Африка үмүт дегенди билдирет жана Түркия менен Африка бул жолдо бирге»

Тышкы иштер министри Мевлүт Чавушоглу Түркия менен Руанданын ортосундагы карым-катнаштардын өнүгүүсү менен эки тараптуу сооданын акыркы 4 жылда болжол менен 30 миллион доллардан 183 миллион долларга жеткенин белгиледи.

Чавушоглу Руанда басма сөзүнө жазган макаласында 6 жылдан кийин экинчи сапарында Руанданын ырааттуу өнүгүүсүн жана Түркия-Руанда карым-катнаштарынын уланып жатканын байкаганын айтты.

Руанданын кыска убакыттын ичинде тынчтык жана гүлдөп-өнүгүүгө карай укмуштуудай жылыш болгонун баса белгилеген Чавушоглу, Түркиянын «Африка көйгөйлөрүнө Африканын чечүүчү жолдору» мамилесине көңүл бурду.

Мевлүт Чавушоглу: «Биз африкалык элдердин тынчсыздануусун эл аралык деңгээлде коргоону улантабыз. Колониялык мезгилдин адилетсиздигине, табигый кырсыктарга жана кургакчылыкка эл аралык кайдыгерликке жана кабыл алынгыс чет элдик интервенцияларга карабастан, Африка элдеринин бул кыйынчылыктарды жеңүү аракети өзгөчө көрүнүп турат»,-деп өз баасын берди.

Африканын жаш жана динамикалуу калкы, кеңири мүмкүнчүлүктөрү, бай жана тамыры терең маданияты жана тарыхы менен дагы адилеттүү жана теңчиликтүү бир дүйнөдөн үмүт берип турганын белгилеген Чавушоглу: «Африка үмүт дегенди билдирет жана Түркия менен Африка бул жолдо бирге»,- деди.

Чавушоглу макаласында Түркиянын глобалдык маселелерде Африка менен бирдей мамиледе экенин жана гүлдөп өнүккөн дүйнө үчүн аракет кылганын белгилеп: «Бул түшүнүк менен Түркия глобалдык азык-түлүк коопсуздугуна салым кошуу үчүн Стамбул дан келишими менен колунан келгендин баарын жасады»,-деп сереп салды.

Түркия-Африка карым-катнаштарынын акыркы 10 жылда маанилүү ылдамдыкка ээ болгонун баса белгилеген Чавушоглу, тараптардын карым-катнаштарды жакшыртуу үчүн маанилүү кадам таштаганын жана мунун Түркиянын Африка менен кызматташуу саясатынын бир бөлүгү экенин белгиледи.

Чавушоглу:«Дагы көп түрк ишкеринин Руанданын соода чөйрөсү менен жолугушкандан кийин эки тараптуу соодабыз акыркы 4 жылда 5 эсе өсүп, 30 миллион доллардан 183 миллион долларга жетти. Руандадагы түрк инвестициясынын көлөмү да 465 миллион доллардан ашты»,-деп баасын берди.

Министр Чавушоглу Руанда учурда ээ болгон ырааттуулук, тынчтык жана гүлдөп-өнүгүү үчүн башка Африка өлкөлөрүнө дем бере тургандай күрөшүп жатканын баса белгилеп, Түркиянын бул жолдо Руанданын жанында экенин баса белгиледи.