Акар: «Түркия катары Азербайжандын адилеттүүлүгүн эл аралык платформаларда тынымсыз көтөрүп жатабыз»

Улуттук коргоо министри Хулуси Акар мындан ары түрктөрдүн күчүн дүйнөгө көрсөткөн Азербайжан армиясына эч кимдин жаман көз менен кароосуна уруксат бербей тургандарын билдирди.

Улуттук коргоо министрлиги жана Баку Губернаторлугунун салымдары менен Анкарадагы Азербайжан элчилиги тарабынан уюштурулган «Карабах Азербайжан-Мекен согушунун тарыхы: Жекелик фактору» аттуу китептин бет ачары Президенттик Улуттук китепканада өткөрүлдү.

Министр Акар программада сүйлөгөн сөзүндө Азербайжан менен Армениянын ортосунда 44 күнгө созулган 2-Карабах согушундагы абалдардын Түркия тарабынан да жакындан байкалганын белгиледи.

Азербайжан жерлеринин адилетсиз согуштун натыйжасында басып алынганын билдирген Акар: «(Азербайжандыктар) Баарыңыздар жакшы билесиздер, бирок дүйнө уккусу да, көргүсү да келбеген өтө оор кыргындарга, канкорлорго жана өлтүрүүлөргө дуушар болушту. Дагы бир жолу азап-кайгы жана кыйноого дуушар болушту. Бул окуялар болуп жатканда, Европа Биримдиги, НАТО, Бириккен Улуттар Уюму, башка өлкөлөр жана Европа Коопсуздук жана Кызматташтык Уюму (ЕККУ) тилекке каршы, алар бул маселелерде эч кандай сезимталдыкты же кызыкчылыкты көрсөтпөй, керектүү чараларды көргөн жок. Орусия, Америка Кошмо Штаттары (АКШ) жана Франция тең төрагалык кылган Минск тобу бул маселелерге өтө кайдыгер бойдон калышты»,-деди.

Хулуси Акар бир улут болгон Азербайжан жана Түркияга карата кандайдыр бир тобокел жана коркунуч болсо, ага бир жүрөк түрүндө каршы турууга даяр экенибизди баса белгиледи.

Азербайжандын өз ишинде туура экенин билүү керектигин, мунун бардык жерде ишке киргизилиши жана анык түрдө ачыкка чыгышы керектигин баса белгилеген Хулуси Акар: «Бул Түркия катары жасоого аракет кылган эң маанилүү маселелердин бири. Муну эл аралык платформаларда, өзгөчө НАТО платформаларында жана эки тараптуу карым-катнаштарда тынымсыз көтөрүп жатабыз»,-деп айтты.