Фуат Октай Шушага барды

Вице-президент Фуат Октай Азербайжан армиясы Армениянын басып алууларынан бошоткон Карабахтын символдук шаары Шушага барды.

Шушадагы тарыхый жерлерди жана маданий байлыктарды кыдырган Октайга Азербайжандын премьер-министри Али Эседов менен Азербайжандын президентинин Шушадагы атайын өкүлү Айдын Керимов маалымат берди.

Октай Эседов менен биргелешкен маалымат жыйынында Шушада бир улут болуунун эмне экенин дагы бир жолу сезгенин айтты.

Шушада бир гана согуш учурунда эмес, андан мурда да армян кыянатчылыгы менен жерлердин, шаарлардын жана айылдардын кандайча талкаланганына күбө болгондорун түшүндүргөн Октай, Түркиянын оккупация жана согуш мезгилиндеги сыяктуу Карабахтын курулушу жана кайра жаралуусунда да Азербайжандын жанында болгонун баса белгилеп, Түркиядан жана түрк дүйнөсүнөн жаштарды Шушага чакырды.

Азербайжандагы жолугушууларына токтолгон Октай, биргелешкен экономикалык комиссиянын жыйыны менен эки тараптуу карым-катнаштардын экономикалык жана соода инфраструктурасын жана кызматташтыктын жол картасын макулдашуу менен жаңырткандарын белгилеп, маанилүү чечимдердин кабыл алынганын белгиледи.

Азербайжандын премьер-министри Эседов менен кабыл алынган чечимдердин аткарылышын жакындан байкай тургандарын белгилеген Октай, белгиленген максаттарды, өзгөчө 15 миллиард долларлык соода көлөмү планын ашыра аткаруу менен карым-катнаштарды бир туугандык мыйзамын чагылдырган деңгээлге жеткире тургандарына ишенерин белгиледи.

Азербайжандын премьер-министри Эседов Түркия менен Азербайжандын ортосунда болуп көрбөгөндөй достук, бир туугандык жана союздаштык мамилелеринин бар экенин баса белгилеп:«Шуша декларациясы эки өлкөнүн ортосундагы мамилелердин туу чокусу. Декларация биздин мамилелерибизди стратегиялык союздардын деңгээлине көтөрдү»,-деп өз баасын берди.

Эседов: «44 күнгө созулган мекен согушунун алгачкы мүнөттөрүнөн баштап Азербайжан мамлекетинин жана элинин жанында болгон президент Эрдоганга жана түрк элине ыраазыбыз. Биз бул колдоону эч качан унутпайбыз»,-деп айтты.