Штайнмайер жана король Салмандан Эрдоганга көңүл айтуу

Германиянын президенти Франк-Вальтер Штайнмайер президент Режеп Таййип Эрдоганга Бартында шахтада каза болгондор үчүн көңүл айтты.

Германиянын президенттик аппаратынан берилген маалыматка караганда Штайнмайер билдирүүсүндө Бартын Амасрадагы кен кырсыгында 40тан ашуун кишинин каза болгонун жана жараланганын капа болуу менен укканын айтты.

Жакындарын жоготкон үй-бүлөлөрү жана жакындары менен кошо кайгыргандарын белгилеген Штайнмайер: «Урматтуу президент Эрдоган, жарандарымдын атынан сизге жана түрк элине чын жүрөктөн көңүл айтам. Биздин оюбуз курман болгондордун үй-бүлөлөрү менен. Алардын кайгысын тең бөлүшөбүз»,-деди.

Германиянын президенти Штайнмайер жаракат алгандардын тезирээк сакайып кетишин каалап, бул оор учурда анын ой-тилектери алар менен экенин белгиледи.

Сауд Арабиянын королу Салман бин Абдулазиз да Бартындагы шахтадагы жарылууда каза болгондор үчүн Эрдоганга көңүл айтты.

Сауд Арабиянын расмий кабар агенттиги SPAнын жазуу түрүндөгү билдирүүсүнө караганда, король Селмандын билдирүүсүндө, «Президентке, каза болгондордун үй-бүлөлөрүнө жана боордош түрк элине чын жүрөктөн жана терең кайгыруу менен көңүл айтабыз»,-деп айткан.

Король Салман билдирүүсүндө төмөнкүдөй билдирүүлөрдү камтыды:«Раббим жарылууда каза болгондорго ырайым жана кечирим, жакындарына сабыр жана сооротуу, жарадар болгондордун тезирээк сакайып кетишин, сизди жана түрк элин ар кандай кырсыктардан жана жамандыктардан коргоосун тилейм».

14-октябрь, жума күнү Бартындын Амасра районундагы шахта карьериндеги жарылуунун кесепетинен 41 жумушчу каза болду.