Чавушоглу эстониялык делегацияны кабыл алды жана телефон аркылуу сүйлөшүүлөрдү өткөрдү

Тышкы иштер министри Мевлүт Чавушоглу Эстония парламентинин тышкы иштер комитетинин төрагасы Марко Михкелсон жана тышкы иштер комитетинин мүчөлөрүн кабыл алды.

Тышкы иштер министри Чавушоглу кабыл алуудан кийин социалдык медиа эсебинен бөлүштү.

Министр Чавушоглу: «Эстония парламентинин тышкы иштер комитетинин делегациясын коноктодук»,-деп айтып, анда Украинадагы акыркы абалдар каралганын жана НАТОнун өнүгүүсү туурасында пикир алмашкандарын белгиледи.

Ошол эле учурда тышкы иштер министри Чавушоглу Ооганстандын мурдагы президенти Хамид Карзай, Кыргызстандын мурдагы президенти, Бириккен Улуттар Уюмунун Ооганстан боюнча атайын өкүлү болуп дайындалган Роза Отунбаева жана Чехиянын тышкы иштер министри Ян Липавский менен өзүнчө телефон аркылуу сүйлөштү.

Тышкы иштер министрлигинен алынган маалыматка караганда, Чавушоглу Отунбаеваны куттуктап, Европа саясий шериктештигинин саммитине байланыштуу чех кесиптеши менен сүйлөштү.

Чавушоглунун Карзай менен сүйлөшүүсүнө байланыштуу маалымат бөлүшүлгөн жок.