Абдуллах бин Мухаммед Аль - Шейх Түркия менен түрдүү тармактарда карым - катнаштардын маанисине көңү

Сауд Арабиянын Шура Кеңешинин төрагасы Абдуллах бин Мухаммед Аль - Шейх Түркия менен түрдүү тармактарда карым - катнаштардын маанисине көңүлдөрдү бурду.

Сауд Арабиянын расмий агенттиги SPAдагы кабарга караганда Шура кеңешинин төрагасы Аль  - Шейх Түркиянын Эр - Рияд элчиси Фатих Улусой менен жолугушту.

Түркия менен Сауд Арабиянын ортосундагы карым  - катнаштарды бекемдөө мүмкүнчүлүктөрү жана башка айрым орток маселелер каралган  жолугушууда элчи Улусой Аль - Шейхке Түркия Улуттук Парламентинин спикери Мустафа Шентоптун чакыруу катын берди. 

Аль - Шейх  жолугушууда Сауд Арабия менен Түркиянын ортосундагы түрдүү тармактардагы кызматташууну жандандыруу үчүн карым  - катнаштарды өнүктүрүү иштеринин маанисине басым жасады. 

Өзгөчө Сауд Арабиянын Шура Кеңеши менен Түркия  Улуттук Парламентинин ортосундагы карым - катнаштарды жакшыртуунун маанисине көңүл бурган Аль - Шейх Түркия менен Сауд Арабиянын ортосундагы парламенттер аралык карым - катнаштарды жана достук топторунун ролун активдештирүү керектигин айтты.

Элчи Улусой эки өлкөнүн ортосундагы жогорку деңгээлдеги сапарлардын маанисине токтолуп : "Түркия менен Сауд Арабия эки боордош өлкө. Эки өлкөнүн ортосунда кызматташуунун өнүгүшү да аймакка оң чагылууда. Парламенттер аралык карым  - катнаштардын өнүктүрүлүшүнө да маани беребиз жана муну колдойбуз",- деди.