Эрдоган: «ДЕАШ террористти кармалды»
Президент Эрдоган Балкан сапарынан кайтып келе жатканда учакта журналисттердин суроолоруна жооп берди.
Президент Режеп Таййип Эрдоган, террордук уюм ДЕАШтын эң маанилүү башчыларынын бири «Абу Зейд/Үстат Зейд» каймана аттуу террорист Басхар Хаттаб Газал Аль Сумаидаинин Түркияда кармалганын билдирди.
Президент Эрдоган Балкан сапарынан кайтып келе жатканда учакта журналисттерге берген маегинде, террордук уюм ДЕАШка каршы Коопсуздук башкы башкармалыгы, Стамбул коопсуздук директорлугу жана Улуттук чалгындоо уюмунун операция жүргүзгөндөрүн, ДЕАШтын эң маанилүү башчыларынын бири «Абу Зейд/Үстат Зейд» каймана аттуу террорист Басхар Хаттаб Газал Аль Сумаидаинин Түркияда колго түшкөнүн кабарлады.
Эрдоган, бул террористтин террордук уюм ДЕАШтын лидери Абу Бакр аль-Багдади жана андан кийинки лидери Абдуллах Кардаштын өлтүрүлүшүнөн кийин уюмдун ичиндеги эң маанилүү жогорку башчыларынын бири экенине көңүлдөрдү бурду.
Эрдоган колго түшкөн ДЕАШ террористинин сот органдарына өткөрүлүп берилгенин билдирди.
