Эрдоган Украинадан кайтуусунда маалымат берди

Президент Режеп Таййип Эрдоган Сирия  менен  мындан ары таштай турган кадамдарды тактоо керектигин баса белгилеп : "Дипломатияны эч качан жок деп эсептей албайсыңар",- деди. 

Президент Эрдоган кечээ Украинага жасаган бир күндүк сапарынан кийин Түркияга кайтышында учакта журналисттердин суроолоруна жооп  берди. 

Түркиянын Сириянын түндүгүндө террор менен күрөшүүнү Россия менен бирге  жүргүзүп жаткандыгын белгилеген Эрдоган : "Террорго каршы күрөштүн бир бөлүгүн орустар менен бирге жүргүзсөк, бир бөлүгүн өз аскерлерибиз жана коопсуздук күчтөрүбүз менен жүргүзүп жатабыз»,-деди. 

Террорду Сирияда колдогон АКШ жана коалиция күчтөрү экендигин баса белгилеген Эрдоган : "Муну аесуз түрдө аткарышты жана азыр да аткарып жатышат",- деди. 

Президент Эрдоган : "Биз айткан "бир түнү күтүлбөгөн жерден киришибиз мүмкүн" деген сөзүбүз бекер эмес. Убакты сааты келгенде бул аткарылат. Бирок муну айтуу керек ;  Түркиядан эч ким ушундай нерсеге даярсыңбы деп сурабасын. Биз бул иштердин баарына даярбыз. Даяр болгонубуздай эле  эмне керек болсо муну аткара ала турган күтөбүз",- деди. 

АКШнын Ирактагы террористтерге да колдоо көрсөткөнүн белгилеген Эрдоган : "Эгерде бүгүн Иракта баш  - аламандык бар болсо анын артында тилекке каршы АКШ бар. Террордук уюмдардын алдыңкылары менен  Ак үйдө жолугушууга чейин барышууда. Биз булардын баарын билебиз",- деди. 

Түркиянын Сириянын жеринде көзү жок экендигин белгилеген президент : "Биздин Асадды жеңүү же жок кылуу сыяктуу маселебиз жок. Сирия калкы биздин боордошторубуз. Алардын жеринин бүтүндүгү биз үчүн мааниге ээ. Режим муну түшүнүшү керек",- деди. 

Мамлекеттер ортосундагы саясий диалог же дипломатия эч качан үзгүлтүккө учурабай турганын белгилеген президент : "Мындай диалогдор ар дайым бар, болушу керек",- деди.