Лавров менен Чавушоглу эртең Анкарада жолугушат
Орусиянын Тышкы иштер министрлигинен берилген жазуу түрүндөгү маалыматта Лавровдун Чавушоглу менен эртең борбор шаар Анкарада жолугаары белгиленди.
Тышкы иштер министри Мевлүт Чавушоглу менен орус кесиптеши Сергей Лавров эртең Украинадагы кырдаалды талкуулайт.
Орусиянын Тышкы иштер министрлигинен берилген жазуу түрүндөгү маалыматта Лавровдун Чавушоглу менен эртең борбор шаар Анкарада жолугаары белгиленди.
Билдирүүдө жолугушууда эки тараптуу мамилелер талкууланары белгиленип, «Орусия менен Түркиянын ортосундагы саясий диалог быйыл да ургаалдуулугун сактап калды. Жогорку деңгээлдеги байланыштар интенсивдүү уланууда. Орусиянын президенти Владимир Путин менен президент Режеп Таййип Эрдоган жыл башынан бери 9 жолу телефон аркылуу сүйлөштү»,делди.
Орусия менен Түркиянын министрлик жана мекемелеринин ортосундагы уланып жаткан карым-катнаштарга көңүл бурулган билдирүүдө, «Министрлердин жолугушуусунда Украинадагы, Түштүк Кавказдагы, Жакынкы Чыгыштагы, Түндүк Африкадагы, Борбор Азиядагы жана Кара деңиз аймактарындагы кырдаал талкууланат. Эки министр Украина кризисиндеги учурдагы кырдаал жана азыркы кырдаал боюнча пикир алмашат. Орусия менен Украинанын ортосундагы тынчтык сүйлөшүүлөрүн кайра баштоо мүмкүнчүлүгү каралат»,деген баалоо камтылган.
Астана форматындагы түрк жана орус тараптардын Сирия маселесинин чечилүүсүндө тыгыз кызматташтыкта иш алып барышканы баса белгиленип, Чавушоглу менен Лавровдун жолугушууда Сирия маселесин да сүйлөшөрү белгиленди.
