Эрдоган: «Жумуштуулук 2,7 миллионго өстү»

Президент Режеп Таййип Эрдоган Түркияда экономикалык өсүш жана экспорттогу рекорддорго кошумча түрдө жумуштуулуктун коронавирус (Ковид-19) пандемиясынан мурункуга салыштырмалуу 2,7 миллион кишиге өскөнүн айтты.

Президент Эрдоган Көз карандысыз ишкерлер коомунун төрагасы Махмут Асмалы менен Башкаруу кеңешинин мүчөлөрүн Стамбулдагы Вахдеттин сарайында кабыл алды.

Экономикадагы өнүгүүлөргө токтолгон Эрдоган: «Өсүү жана экспорт сыяктуу тармактардагы рекорддордон тышкары, биздин жумуштуулук пандемияга чейинки мезгилге салыштырмалуу 2,7 миллионго көбөйдү жана бул чоң жетишкендик»,-деди.

Эрдоган: «Валюта курсунун турукташуусу менен биргеликте рыноктордо валюталык суроо-талаптын тең салмаксыздыгынан улам ашыкча олку-солкулуктар кайталанбайт деп ойлойбуз»,- деп билдирди.