Эрдоган: «Биздин компас кошумча наркы жогору өнүмдөрдү өндүрүү болуп саналат»

Президент Режеп Таййип Эрдоган: «Инновация жана технологиянын таянычы болгон илим Түркиянын саясий көз карандысыздыгынын да кепилдиги»,-деди.

Президент Эрдоган Түркиянын Илимий жана техникалык изилдөө кеңеши (TÜBİTAK) жана Түркия илимдер академиясынын (TÜBA) илим сыйлыктарын тапшыруу аземинде сөз сүйлөдү.

Эрдоган: «Биз өнөр жайдын бардык тармактарында белгиленген өлкөлөрдүн бири болуу максатын көздөп, өнүмдөрдү тынымсыз жогорулатуу менен жолубузду улантабыз. Технологиялык көз карандысыздык саясий көз карандысыздыктын кепилдиги экенин билүү менен ишибизди улантабыз»,-деди.

Президент Түркиянын акыркы мезгилде илимге, илимпозго жана технологияга чоң инвестиция салганын айтып: «Мына ушинтип өлкөбүз технологиясын жогорку деңгээлге алып чыгып, аракетинин үзүрүн алуу жолунда»,-деди.

Президент Эрдоган: «Түркия дүйнөлүк инновация индексинде быйыл 10 тепкичке көтөрүлүп, 41-орунга чыкты жана алдыңкы 50 лигасында эң көп өсүү көрсөткөн өлкө болду»,-деди.

"Өткөн айдын аягында 221 миллиард долларлык экспорттук көрсөткүчкө жетиштик. Буюрса, күндөлүк профицитке ээ боло турган күндөр жакындап калды»,-деген Эрдоган: «Биздин компас кошумча наркы жогору өнүмдөрдү өндүрүү болуп саналат. Биздин багытыбыз инвестиция, жумуш менен камсыз кылуу, өндүрүш, экспорт жана өсүү»,-деп баса белгиледи.