Түркия Кордовада Ардактуу консулдугун ачты

Түркия Испаниянын Андалусия автономия башкаруусунун маанилүү шаарларынан Кордовада Ардактуу консулдугун ачты.

Кордова Түркиянын Испанияда ачкан 7-Ардактуу консулдугу болду.

Ардактуу консулдуктун ачылыш аземине Мадрид элчиси Бурак Акчапар, Кордоба шаарынын мэри Хосе Мария Беллидо Роше, Кордобанын ардактуу консулу болуп дайындалган Хуан Пабло Кортес жана шаардын маанилүү иш адамдары жана академиктери катышты.

Элчи Акчапар бул жерде сүйлөгөн сөзүндө эки союздаш өлкөнүн экономика, соода, коргонуу жана коргонуу өнөр жайы жана башка бардык тармактарда эки тараптуу кызматташтыкты алдыга жылдыруу аракетинин мамлекеттик саясат экенин айтты.

Түркия менен Испаниянын Европанын чыгыш жана батыш четинде жайгашкан Европанын коопсуздугу, ырааттуулугу жана бакубаттуулугунун кепилдиги катары стратегиялык мааниге ээ НАТОнун эки союздашы экенин билдирген элчи Акчапар, эки тараптуу кызматташтыктын бүткүл аймактын тынчтыгы, бейпилдиги жана жыргалчылыгы үчүн да маанилүү экенин айтты.

Андалусия аймагынын Түркия үчүн өзгөчө орду бар экенин белгилеген элчи Акчапар, Испаниянын эң көп туристтик жерлеринин бири болгон Кордова мечити-собору жана Гранададагы Альгамбра сарайына ээ болгон Андалусия менен Түркиянын ортосундагы тарыхый жана маданий байланыштардын маанисине көңүл бурду.

Түркиянын Кордова ардактуу консулу болуп дайындалганына абдан сыймыктанганын жана кубанычта экенин билдирген Хуан Пабло Кортес эки тараптуу карым – катнаштарды жакшыртуу үчүн өз аймагында эң чоң аракетти жасай турганын баса белгиледи.

Кордова шаарынын мэри Хосе Мария Беллидо Роше, Түркиянын Ардактуу консулдугунун өз шаарында ачылышынын абдан маанилүү мааниси бар экенин айтып: «Бул демилге Кордова менен Түркиянын ортосундагы социалдык, маданий жана экономикалык карым-катнаштардын өнүгүшүнө салым кошот деп ишенем»,-деди.