Чатаклы: «Октябрь айында 98 террорист жок кылынды»

Ички иштер министринин орун басары Исмаил Чатаклы октябрь айында 98 террористтин жок кылынганын айтты.

Чатаклы борбор шаар Анкарада министрликтин иш-чараларын камтыган «Айлык маалымат жыйынын» өткөрдү.

Жыйында октябрь айында жок кылынган 98 террористтин 71инин ПКК/КЖК, 27си ДЕАШ мүчөсү экенин белгилеген Исмаил Чатаклы:«Алардын 1и көк, 1и кызгылт сары, 3ү боз түс категориясында экени аныкталды», - деди.

Октябрь айынын күн тартибиндеги маселелердин биринин Ооганстандагы окуялардан улам чек ара коопсуздугу экенине көңүл бурган министрдин орун басары Чатаклы: «Түркия тартипсиз миграциянын алдын алууда чечкиндүү жана ийгиликтүү, үзгүлтүксүз миграцияны башкарууда туруктуу жана олуттуу саясатка ээ. Миграцияны башкаруу тармагындагы акыркы кадамыбыз Президенттин жарлыгы менен Миграция боюнча башкы башкармалыгыбызды Миграция башчылыгына айландыруу, ошону менен анын дараметин андан ары жогорулатуу болду. Биздин миграция департаменти эми тезирээк жана натыйжалуу кадамдарды жасоого мүмкүнчүлүк алат»,-деди.

Министрдин орун басары Чатаклы террордук уюмдарга көмөктөшкөн жана байланышы бар деп эсептелген 2621 шектүүнүн кармалганын, 492 кишинин камакка алынганын, 15 террордук кыймылдын алдын алганын айтты.

Тартипсиз миграция менен күрөшүүдө октябрь айында 2 миң 670и деңизде болгон 16 миң 516 тартипсиз мигрант жана 790 уюштуруучунун кармалганын белгилеген министрдин орун басары Чатаклы: «Өлкөсүнө кайтып кеткен сириялыктардын саны 469 миң 170, өлкөбүздө бүгүнкү күнгө карата катталган сириялыктардын саны 3 миллион 726 миң 206 кишини түздү»,-деп айтты.