Эмине Эрдоган Алия Иззетбегович фондуна барды
Расмий сапар менен Босния-Герцеговинанын борбору Сараевого барган президент Эрдоганды жубайы Эмине Эрдоган коштоп жүрөт.
Президент Режеп Таййип Эрдогандын жубайы Эмине Эрдоган Алия Иззетбегович фондуна зыярат кылып, Иззетбеговичтин кыздарынан фонддун ишмердүүлүгү тууралуу маалымат алды.
Расмий сапар менен Босния-Герцеговинанын борбору Сараеводо жүргөн президент Эрдоганды коштогон Эмине Эрдоган, Алия Иззетбегович фондуна барды.
Эмине Эрдоган фонддун борборуна келгенде аны Босния-Герцеговинанын биринчи президенти Алия Иззетбеговичтин кыздары Сабина Иззетбегович жана Лейла Аксамия-Иззетбегович тосуп алышты.
Жолугушууларда Эмине Эрдоганды Босния-Герцеговинанын Президенттик Кеңешинин мүчөсү Шефик Каферовичтин жубайы Вилдана Каферович коштоп жүрдү.
Маркум Иззетбегович жашаган жана "эскерүү үйү" катары көргөзмөгө коюлган бөлүмгө да барган Эмине Эрдоган, Иззетбеговичтин кыздары менен баарлашып, фонддун иштери тууралуу маалымат алды.
