Ван облусунда террористтерге таандык ок - дары колго түшүрүлдү

Ван облусунун Чатак районунда ПКК террордук уюмуна карата жүргүзүлгөн операцияда курал, ок- дары жана турмуштук материалдар колго түшүрүлдү.

Ван губернаторлугунан берилген маалыматка караганда, облустук жандармерия командирлигинин топтору террордук уюм ПКК/КЖКнын аткара турган кол салууларын жана баш калкалоочу жерлери менен ок- дары кампаларын аныктоо максатында 14 -июнда райондун элет жеринде операция жүргүздү.

Операцияда АК- 47 Калашников, М- 16 жөө аскер мылтыгы, тапанча, колдо жасалган жарылуучу заттар менен турмуштук материалдар колго түшүрүлдү.