Улуттук коргоо министрлиги Ирактын түндүгүндө жардыруу иштеринин жүрүп жаткандыгын билдирди

Улуттук коргоо министрлиги Ирактын түндүгүндө жүргүзүлүп жаткан «Чеңгел  -  Чагылган» операцияларынын негизинде аймакта террористтер жайгаштырган  колдо жасалган жарылуучу заттар жана миналарды аныктоо, жардыруу иштеринин жүрүп жаткандыгын билдирди.

Министрликтин твиттерден берилген маалыматында Метина жана Авашин  -  Басян аймактарында баштатылган «Чеңгел  -  Чагылган» операцияларынын пландалгандай жүрүп жаткандыгы белгиленди.

Аныкталган террордук обьектилердин абадан жана кургактыктан атылгандыгы билдирилип : «Абадан жасалган чабуул менен аймакка барган десанттарыбыз да террордук тазалоо иштерин жүргүзүүдө. Мехметчиктерибиз  террористтерге таандык баш калкалоочу жер, үңкүр, курал, ок  - дары, колдо жасалган жарылуучу заттар жана миналарды да жардырышууда. Аймакта кызмат кылган командаларыбыз күнү – түнү үзгүлтүксүз жүргүзүп жаткан изилдөөлөрдүн натыйжасында террористтер жайгаштырган мина жана жарылуучу заттарды  жардырууда»,- деп билдирилди.

Министрлик колго түшүрүлгөн мина, ок  - дары жана колдо жасалган жарылуучу заттарды сүрөттөрү менен бөлүштү.