Террорго каршы күрөш
Жикчил террордук уюмга каршы операциялар өлкө ичинде дагы уланып жатат.
Сирияда "Зайтун бутагы" операциясы жүргүзүлгөн аймакка кол салууга даярданганы аныкталган ЙПГ/ПККга мүчө эки террорист таасирсиз кылынды.
Улуттук Коргоо министрлигинин (УКМ) Твиттердеги баракчасынан жарыяланган билдирүүдө: «Биз шейиттерибиздин канын жерге таштаган жокпуз, таштабайбыз! «Зайтун бутагы» операциялык аймагына кол салган террор буталарын аныктоо жана жок кылуу операцияларыбыз уланууда. Кол салууга даярдангандары белгиленген дагы 2 террорист биздин десанттарыбыз тарабынан таасирсиз кылынды» деген сөздөр камтылды.
Улуттук Коргоо министрлиги кечээ «Зайтун бутагы» операциясы жүргүзүлгөн аймакка жасалган террордук кол салууда 2 аскердин шейит болгонун, жооп кайтаруунун натыйжасында ЙПГ/ПККнын 3 террористинин таасирсиз кылынгандыгын кабарлаган эле.
Жикчил террордук уюмга каршы операциялар өлкө ичинде дагы уланып жатат.
Ички иштер министрлиги Эрен-10 операциясында Шырнак-Бестлер Дерелер Домуз тоосунун аймагында дагы 2 террористтин зыянсыздандырылганын билдирди. Ушундайча кечээтен бери аймакта таасирсиз кылынган террорчулардын саны 10го жетти.