Түркиядан Грузиянын армиясына техникалык шайман жардамы берилди

Улуттук коргоо министрлиги (УКМ) Грузиянын Коргоо министрлигине лазердик аралыкты аныктагычтарды жана бир катар инженердик жабдыктарды берди.

Грузиянын Коргоо министрлигинин жазуу түрүндөгү билдирүүсүндө, борбор шаар Тбилисидеги Коргоо министрлигинде өткөрүлгөн аземге Грузиянын Коргоо күчтөрүнүн башкы штабынын стратегиялык пландоо штабынын башчысы, полковник Иосеб Николейшвили менен  Түркиянын Тбилисидеги элчилигинин аскер атташеси, полковник Бурак Алтынер катышканы белгиленди.

Билдирүүдө, Түркия менен Грузия өкмөттөрүнүн ортосунда кол коюлган «Аскердик-Каржылык Кызматташтык» келишиминин алкагында грузин тарапка тапшырылган лазердик диапазонду аныктагыч жана инженердик шайман комплектисинин тапшыруу актысына Алтынер менен Николейшвили тарабынан кол коюлгандыгынын маалыматы бөлүшүлдү.

Техникалык жабдууларынын Грузиянын Коргоо күчтөрүнүн согуштук жана инженердик бөлүмдөрүнө бөлүштүрүлө турганы жана аларга жүктөлгөн милдеттердин натыйжалуу аткарылышына өбөлгө түзө турганына көңүл бурулган билдирүүдө, «Грузия менен Түркия коргоо маселелеринин ар кандай чөйрөлөрүндө көп жылдардан бери тыгыз жана ийгиликтүү кызматташып келишет»,делди.

Ошондой эле Улуттук Коргоо министрлиги 2020-жылы 27-ноябрда Грузиянын Коргоо министрлигине 35 BMC Neocity 8,5 метрлик дизелдик автобус, 12 брондолгон инженердик унаа жана ар кандай шаймандарды жардам катарында берген.