Террор менен күрөш улантылып, Ирактын түндүгүнө операция жүргүзүлдү

 Ирактын түндүгүндөгү Гара аймагында кол салуу үчүн даярданып жаткан ПКК жикчил террордук уюмдун мүчөсү  8 террорист жок кылынды.

Улуттук Коргоо министрлигинин билдирүүсүндө ПКК жикчил террордук уюмга каршы операциялардын чечкиндүүлүк менен улантылып жатканы белгиленди.

Билдирүүдө : "Ирактын түндүгүндө Гара аймагындагы чалгындоо жана байкоо аппараттары менен аныкталган жана кол салууга даярданып жаткандыгы белгиленген 8 ПКК террористи абадан жүргүзүлгөн операцияда жок  кылынды",- деп билдирилди.  

Министрликтен берилген башка бир маалыматта да тынчтык жана коопсуздук чөйрөсүн бузуу үчүн Сирияда "Евфрат калканы" аймагына кирүүгө аракет кылган 2 ПКК/ЙПГ террористти десанттар тарабынан жок кылынгандыгы белгиленди.