Эрдоган чемпион болгон футбол клубун кабыл алды

Президент Режеп Таййип Эрдоган, борбор шаар Анкарада 2019-2020-жылкы Супер лиганын "Жемил Уста" сезонун 69 упай менен чемпион болуп жыйынтыктаган Медипол Башакшехир клубунун жетекчилиги менен техникалык делегацияны жана футболчуларды кабыл алды.

Президент Эрдоган, Президенттик комплекстеги кабыл алуусунда футбол клубун жана футболчуларды куттуктап жатып: «Барыңарды куттуктайм, мен сиздер менен сыймыктанам, бирок сезон али бүтө элек. УЕФА Европа лигасында Копенгаген менен ойной турган реванш беттешүүсүн да жеңип акыркы сегиз команданын арасында болушуңарды күтөмүн. Түркияны Европада сиз өкүлдүк кылып жатасыздар. Мунун үчүн өзүнчө ийгилик каалайм. Ошондой эле лигада таймашкан бардык командаларды куттуктайм»,-деди.

Бул учурда футболчулар менен өз-өзүнчө маектешкен Эрдоганга, Босниялык футболчу Эдин Виска Түркиянын өлкөсүнө көрсөткөн жардамы жана колдоосу үчүн ыраазычылык билдирди.

Эрдоган да Висканын сөздөрү боюнча «Босния – биз үчүн абдан маанилүү» деп айтты.