Чавушоглу Англияда Жонсон менен жолукту

Тышкы иштер министри Мевлүт Чавушоглу, Англиядагы жолугушууларынын алкагында жаңы типтеги коронавирус (Ковид-19) боюнча дарыланган Англиянын премьер-министри Борис Жонсондун ал жайын суроо жолугушуусун өткөрдү.

Жолугушууларынан кийин журналисттерге маалымат берген Чавушоглу: «(Жонсонду) Өзүн дени сак көрдүк, жакшы экенин көрдүк жана Президентибиздин саламын билдирдик. Ошондой эле түрдө Жонсонго Президентибиздин Түркияга чакыруусун кайталадык жана жаңы төрөлгөн ымыркайы үчүн куттуктадык»,-деди.

Чавушоглу Англиядагы жолугушууларынын алкагында эң оболу Улуу Британия Парламентинин Түркия  тобунун төрагасы Жеффри Дональдсон, андан соң кесиптеши Доминик Рааб менен жолугушканын айтты.

Министр Чавушоглу, жолугушууларында Ковид-19 менен күрөшүү, саламаттык сактоо тармагында кызматташтык, эркин соода келишими боюнча сүйлөшүүлөр, экономикалык карым-катнаштар, Brexit, (Англиянын Европа Биримдигинен чыгуусу) бүткөндөн кийин карым-катнаштардын кайсы тармактарда өнүктүрүлө турганын карагандарын айтты.

Туризм, саламаттык сактоо туризми, коргонуу өнөр жайында кызматташтык темаларына дагы баа бергендерин айткан Чавушоглу: «Экинчи жагынан Ливияны, Сирияны, берки аймактык темаларды, НАТО маселесин да бирге кароо мүмкүнчүлүгүбүз болду»,-деди.

Чавушоглу, саясий чечүүчү жол жана Ливиянын биримдиги, жеринин бүтүндүгү темасында Бириккен Улуттар Уюму менен Түркиянын ортосунда пикир айырмачылыгы болбогонун баса белгиледи.