Түркия БУУга чакырык салды
Түркиянын БУУдагы туруктуу өкүлү Феридун Синирлиоглу, БУУнун Коопсуздук Кеңеши менен БУУнун Башкы катчысы Антонио Гутерришке кат жолдоду.
Түркия Бириккен Улуттар Уюмунун Коопсуздук Кеңешине Жакынкы Чыгыштан Түндүк Африкага чейин «аймактык жана эл аралык тынчтык менен коопсуздукка коркунуч келтиргендиги» себеби менен Бириккен Араб Эмираттарына эл аралык мыйзамды жана эл аралык гуманитардык укукту сактоо үчүн жоопкерчилигин эске салуусу жөнүндө чакырык салды.
Түркиянын БУУдагы туруктуу өкүлү Феридун Синирлиоглу, БУУнун Коопсуздук Кеңеши менен БУУнун Башкы катчысы Антонио Гутерришке кат жолдоп, БАЭнин аймактагы демократиялык кыймылдарынын үстөмдүгүнө жана аймакка карата «кыйратуучу» саясаттарына көңүл бурду.
Бириккен Араб Эмираттарынын Йемендеги көп сандаган адамдардын өлүмүнө жана жаракат алышына себеп болгонун, миллиондогон адамдарды ачка калтырууну согуш куралы катары колдонгондугун айткан Синирлиоглу: «БАЭнин Йемендеги аракеттери согуш кылмышы болуп саналат»,- деп айтты.
БАЭнин Йеменге жалданма аскерлерин жиберип, бала жоокерлерин колдонушу жана "Аль-Каида" менен байланышкан террористтик топторду каржылоосу БУУ жана башка эл аралык уюмдар тарабынан документтештирилгендигин айткан Феридун Синирлиоглу, БАЭ Ливияда БУУ тарабынан таанылган өкмөттү кулатууга аракет кылгандыгын, жарандык жана жарандык инфраструктураларды бомбалоо менен согуш кылмыштарын жасагандыгын, курал эмбаргосун системалуу түрдө бузуп Ливияга Сирия, Судан жана Чаддан жалданма аскерлерди жибергенин билдирди.
