Адыяманда Рим дооруна таандык бир саркофаг табылды

Шанлыурфа маданият фонддорун коргоо боюнча аймактык кеңеш директорлугунун топтору Адыямандын Басни районуна караштуу Көсели аймагынын жакындарындагы Айдын Шахинге таандык аянттан Рим мезгилине таандык саркофагдын табылгандыгын аныктады.

Археологдор тарабынан жер астынан чыгарылган саркофаг Адыяман музей директорлугунун короосуна алып барылды.

Музейдин директорунун орун басары Мехмет Алкан журналисттерге берген маалыматында саркофагдын биздин замандын 2 -  же 3 -  кылымына таандык экендигин белгиледи. Алкан буларды билдирди : «Топторубуздун казуусу менен саркофагды ортого чыгардык. Саркофаг 2, 93 метр узундукта. Бийиктиги 1, 10 метр, эни 2, 93 метр. Үстүндө бука жана балык фигуралары менен бирге жалбырактын, жыландын фигуралары бар. Саркофагды директорлугубузда сактайбыз».